“ዋንጫው የኛ ነው” – አካንጂ አርሰናልን በድፍረት ተናገረ

የማንችስተር ሲቲ ተጫዋች ማኑኤል አካንጂ በአርሰናል ላይ ድፍረት የተሞላበት አስተያየት ሰጥቷል። በቅርቡ በተደረገው የፕሪሚየር ሊግ ጨዋታ ከአርሰናል ጋር 0-0 ከተለያዩ በኋላ፣ አካንጂ የሚከተለውን ተናግሯል:

“አርሰናል ሁልጊዜም ከእኛ ጋር ሲጫወቱ ድራማ መስራት ነው የሚፈልጉት። በዚህ ጨዋታ ከእኛ የተሻለ አቋም አሳይተዋል ብዬ አላስብም። ነገር ግን በዚህ አመትም ምንም ቢሆን መጨረሻ ላይ ዋንጫው የኛ ነው። ሊጉን በድጋሜ እናሸንፋለን።”

አካንጂ በተጨማሪም፡ “እነሱ በአንድ ነጥብ ሲደሰቱ እኛ ግን እንዲህ አይደለንም። አሁንም የሊጉ መሪዎች እኛ ነን” ሲል ገልጿል።

ስለ ጨዋታው ሲናገር፣ “ለማሸነፍ ጠንክረን ሞክረናል። በተለይም አንድ ተጫዋቻቸው ከሜዳ ከወጣ በኋላ። ነገር ግን በአስር ተጫዋቾች እየተጫወቱ በቅጣት ምት ክልላቸው ውስጥ ተመሽገው ስለነበር ማሸነፍ አስቸጋሪ ሆኖብናል” ብሏል።